नेरूळमध्ये महापालिकेच्या वतीने आरोग्य शिबिर

नेरूळ, ता. ४ (बातमीदार) : पावसाळ्याच्या पार्श्वभूमीवर साथीच्या आजारांपासून बचाव करण्यासाठी महापालिकेच्या आरोग्य विभागाच्या कुकशेत नागरी आरोग्य केंद्राकडून आरोग्य शिबिराचे आयोजन करण्यात आले होते. प्रभाग ३४ मधील सारसोळे ग्रामस्थ व नेरूळ सेक्टर सहामधील २३८ नागरिकांनी सहभाग नोंदविला होता. यावेळी १३ जणांनी रक्ततपासणी केली. कुकशेत नागरी आरोग्य केंद्राचे वैद्यकीय अधिकारी डॉ. संजय यमगर, आरोग्य सहायक अधिकारी पांडुरंग खांदोडे, आरोग्य सेवक कुणाल खैरे यांनी साथीच्या आजाराबाबत मार्गदर्शन केले. यावेळी साथीच्या आजाराबाबत जनजागृतीसाठी माहितीपत्रक वितरित करण्यात आले.