घणसोली गावात दुर्गंधीयुक्त दूषित पाणीपुरवठा

कोपरखैरणे, ता. ४ (बातमीदार) : काही दिवसांपासून घणसोली गाव परिसरात मोठ्या प्रमाणात दूषित, दुर्गंधीयुक्त पाणीपुरवठा होत आहे. परिसरातील नागरिकांनी साथीचे आजार होण्याची भीती व्यक्त केली आहे. त्यामुळे नागरिकांनी संताप व्यक्त केला आहे. परिसरातील रुग्णालयामध्ये तपासणीसाठी जाणारे उलटी, जुलाब, थंडी, ताप अशा स्वरूपाचे आजार असल्याचे रुग्ण बोलत आहेत. त्यामुळे पालिकेने या प्रकरणी लक्ष घालून दूषित पाणी समस्या लवकरात लवकर दूर करावी, अन्यथा आंदोलन करण्याचा इशारा नगरसेवक घनश्याम मढवी यांनी पालिकेला निवेदनामार्फत दिला आहे.