शिक्षकांची पटसंख्या वाढवावी

नेरूळ, ता. ५ (बातमीदार) : सेक्टर १४ मधील कुकशेत गावामध्ये प्रथमच नवी मुंबई महापालिकेची इंग्रजी माध्यमाची शाळा सुरू करण्यात आली आहे. सध्या शाळेमध्ये विद्यार्थ्यांची पटसंख्या वाढत आहे. शाळेतील पटसंख्या दरवर्षी वाढत आहे; मात्र शिक्षकांची संख्या अपुरी पडत असल्यामुळे विद्यार्थ्यांना एक दिवसाआड शिक्षण दिले जात आहे. त्यामुळे विद्यार्थ्यांना शिक्षणापासून वंचित राहावे लागत आहे. विद्यार्थ्यांच्या भवितव्यासाठी शिक्षकांची संख्या न वाढविल्यास पालकांसोबत बैठक घेऊन उपोषण करण्यात येईल, असा इशारा मनोज मेहेर यांनी पालिका आयुक्त अभिजित बांगर यांना लिहिलेल्या पत्रात दिला आहे.