नेरूळमधील खड्डे बुजविण्याची मागणी

नेरूळ, ता. ११ (बातमीदार) : नेरूळ सेक्टर १० मधील स्टेशन रोडवर वृंदावन सोसायटीसमोरील खड्डे बुजवण्याची लेखी मागणी राष्ट्रवादी काँग्रेसचे बेलापूर विधानसभा उपाध्यक्ष अजय सुपेकर यांनी महापालिकेच्या नेरूळ विभाग अधिकाऱ्यांकडे निवेदनातून केली आहे. वृदांवन सोसायटीसमोरील रेल्वे स्थानक रस्त्यावर खड्डे पडले आहेत. येथून ये-जा करणाऱ्या वाहनचालकांना या रस्त्यावरून वाहने नेताना तारेवरची कसरत करावी लागत आहे. खड्ड्यांतील पाणी पादचाऱ्यांच्या अंगावर उडते. तसेच या खड्ड्यांत साचलेल्या पाण्यामुळे साथीचे आजार पसरण्याची भीती आहे. त्यामुळे तातडीने हे खड्डे बुजवण्याची मागणी अजय सुपेकर यांनी केली.