मशिदीत मोबाईल चोरी; आरोपी ताब्यात

मालाड, ता. १० (बातमीदार) ः मालवणीतील मोहम्मदिया मस्जिद, प्लॉट नंबर २० येथे एका भाविकाचा मोबाईल चोरी करताना एका तरुणाला नागरिकांनी रंगेहात पकडले. नमाज पठण करण्यासाठी मशिदीत आलेल्या नागरिकांच्या मोबाईलवर डल्ला मारताना शाहनवाज खान याला पकडून मालवणी पोलिसांच्या स्वाधीन करण्यात आले. यापूर्वीही येथे मोबाईल चोरीच्या अनेक घटना घडल्या असल्याने नागरिक सतर्क होते. पोलिसांनी चोरट्याला ताब्यात घेतले असून पुढील तपास सुरू आहे.