वृत्तपत्र विक्रेत्यांना रेनकोट वाटप

प्रभादेवी, ता. ११ (बातमीदार) : ऊन, पाऊस, वारा याची पर्वा न करता घरोघरी वृत्तपत्र पोहचविणाऱ्या गिरणगावातील वृत्तपत्र विक्रेत्यांना पावसापासून संरक्षण व्हावे, या हेतूने जागृती मंचच्या वतीने रेनकोटवाटप करण्यात आले. बाहेर मुसळधार पाऊस पडत असताना पावसाचा एकही थेंब न पडलेले वर्तमानपत्र वेळेत घरी पोहोचविण्याचे काम हे विक्रेते पार पाडतात, म्हणूनच अशा कर्तव्यदक्ष व कर्तव्यनिष्ठ वृत्तपत्र विक्रेत्यांना रेनकोट देण्यात आले. या वेळी बृहन्मुंबई वृत्तपत्र विक्रेता संघाचे विश्वस्त संजय चौकेकर, प्रकाश गिलबिले, जीवन भोसले व शंकर रिंगे यांच्‍यासह जागृती मंचचे अध्यक्ष राम साळगावकर, डॉ. प्रागजी वाझा, निरंजन नलावडे यांच्या उपस्थितीत हे रेनकोट वाटप करण्यात आले.