नदीत बुडालेल्या मृत शेतकऱ्यांच्या कुटुंबाला मदत

कासा, ता. ११ (बातमीदार) ः चारोटी येथील गेटी पाडामधील एका शेतकऱ्याचा नदी ओलांडून जाताना पाय घसरून नदीमध्ये बुडून मृत्यू झाल्याची घटना नुकतीच घडली होती. यानंतर या शेतकऱ्याच्या कुटुंबाला प्रशासनाकडून मदत मिळावी, अशी मागणी होत होती. यानंतर सोमवार रमेश घोष्या या मृत शेतकऱ्याची पत्नी सुनीता घोषा यांना प्रशासनाकडून चार लाख रुपयांची मदत देण्यात आली. या वेळी प्रांत अधिकारी असिमा मित्तल, डहाणू तहसीलदार अभिजित देशमुख, पालघर विधानसभेचे आमदार श्रीनिवास वनगा, चारोटी तलाठी विजय मतेतात्या उपस्थित होते.