उचाट गाव हे विद्यार्थ्यांसाठी मोठे शक्तीपीठ ः श्रीकांत भोईर

उचाट गाव हे विद्यार्थ्यांसाठी मोठे शक्तिपीठ ः श्रीकांत भोईर
वाडा (बातमीदार) ः विद्यार्थ्यांना संघर्ष, जिद्द, इच्छाशक्ती ही प्रेरणा घ्यायची असल्यास या उचाटच्या ग्रामस्थांकडून घ्यावी, कारण हे गावच एक मोठे शक्तिपीठ आहे, असे प्रतिपादन सामाजिक कार्यकर्ते श्रीकांत भोईर यांनी आपल्या अध्यक्षीय भाषणात केले. ते तालुक्यातील उचाट येथील अस्पी विद्यालय आणि ना. आ. शिंदे कनिष्ठ महाविद्यालयाच्या वार्षिक शिष्यवृत्ती व पारितोषिक वितरण समारंभात बोलत होते. या वेळी कार्यक्रमास कोयना पुनर्वसन समितीचे अध्यक्ष बळीराम शिंदे, ज्येष्ठ नागरिक शरद मोरे, संस्थेचे अध्यक्ष सचिव प्रभाकर मोरे, यशवंत मोरे आदी मान्यवर व्यासपीठावर उपस्थित होते. या मान्यवरांच्या हस्ते विद्यार्थ्यांना शिष्यवृत्ती व पारितोषिक वितरण करण्यात आले.