पावसामुळे घर कोसळले

खर्डी, ता. १२ (बातमीदार) ः गेल्या सात दिवसांपासून सुरू असलेल्या मुसळधार पावसामुळे खर्डी येथील एका घराच्या भिंती कोसळल्या. या कुटुंबाची राहण्याची व्यवस्था समाजमंदिरात करण्यात आली आहे.
ग्रामपंचायतीचे सदस्य अशोक वाडू यांच्या घराच्या खालील भाग खचल्याने घराच्या दोन भिंती पूर्णपणे कोसळल्या. घर कोसळल्याने त्यांचे कुटुंब उघडे पडले. या घटनेची माहिती मिळताच शिवसेनेचे शाखाप्रमुख अनिल मडके यांनी तात्काळ त्यांची जवळच्या समाजमंदिरात राहण्याची व्यवस्था करून दिली. तसेच त्यांना किराणा सामानाची व आर्थिक मदत केली आहे. अशोक वाडू यांना घरबांधणीसाठीसुद्धा ते साहित्य देणार असल्याचे मडके यांनी जाहीर केले आहे.