मुलुंडमध्ये आधार नोंदणी, दुरुस्ती शिबिर

मुलुंड (बातमीदार) ः मुलुंड पश्चिमेतील झवेर रोड येथे आधार नोंदणी आणि दुरुस्ती शिबिर भरवण्यात आले आहे. नगरसेविका समिता विनोद कांबळे आणि भारतीय डाक विभाग यांच्या सहयोगाने होणाऱ्या या शिबिरात सुकन्या समृद्धी योजनेबद्दल माहिती तसेच मार्गदर्शन केले जाणार आहे. २३ जुलैपर्यंत सकाळी १० ते संध्याकाळी ५ वाजेपर्यंत नागरिकांसाठी शिबिर खुले असून नागरिकांनी जन्म दाखला, पॅनकार्ड, मतदार ओळख पत्र, रेशनकार्ड, शाळेचा दाखला, लाईट बिल, विवाह नोंदणी पत्र, वाहन परवाना, पासपोर्ट, बँक पासबुक फोटोसहित, एलआईसी पॉलिसी, पेन्शन कार्ड आदी आवश्यक कागदपत्रे घेऊन येण्याचे आवाहन आयोजकांनी केले आहे.