अवयवदानातून चौघांना जीवदान

मुंबई, ता. २१ : मीरा रोड येथील उमराव वोक्हार्ट रुग्णालयात मंगळवारी (ता. १९) अवयवदानामुळे चौघांना जीवनदान मिळाले आहे. या रुग्णालयात ४६ वर्षीय महिलेचा मृत्यू झाला होता. त्यानंतर रुग्णाच्या नातेवाईकांना तेथील डॉक्टर आणि प्रत्यारोपणाच्या समन्वयकांनी अवयवदानाबद्दल माहिती देत महत्त्व पटवून दिल्यानंतर कुटुंबीयांनी अवयवदानासाठी होकार दिला. त्यानंतर सर्व प्रक्रिया पार पाडून ४६ वर्षीय महिलेने हृदय, यकृत, मूत्रपिंड आदी भाग काढून प्रतीक्षा यादीत असणाऱ्या रुग्णांना देण्यात आल्याची माहिती मुंबई विभागीय अवयवदान आणि प्रत्यारोपण समितीचे समन्वयक ऊर्मिला महाजन यांनी दिली.