साडेचार महिन्यांच्या मरियमला जीवदान

सकाळ वृत्तसेवा
मुंबई, ता. २२ : टायरोसिनिमी या दुर्मिळ आजाराने ग्रस्त असलेल्या साडेचार महिन्यांच्या मरियमवर यकृत प्रत्यारोपणाची यशस्वी शस्त्रक्रिया पार पडली. परळच्या ग्लोबल
रुग्णालयात प्रत्यारोपणाची ही शस्त्रक्रिया करण्यात आली.
साडेचार महिन्यांच्या मरियमची इतर मुलांसारखीच वाढ होत होती, पण तोपर्यंत त्याला टायरोसिनिमियाचे निदान झाले नव्हते; मात्र प्रकृतीमध्ये वारंवार तक्रारी येत असल्याने पालकांनी त्याला रुग्णालयात आणले. तपासणीदरम्यान मरियमला टायरोसिनिमी हा दुर्मिळ रोग झाल्याची माहिती समोर आली. लाखांत एकाला होणाऱ्या या अनुवांशिक आजारामुळे मूल जन्माला येताच यकृत निकामी होते. त्यामुळे प्रत्यारोपणाशिवाय काही पर्याय नसल्याने परळच्या ग्लोबल रुग्णालयात दाखल करण्यात आले होते.
---
दुर्मिळ चयापचयाचा यकृत रोग असलेल्या टायरोसिनिमीचे वेळेत निदान झाल्यास योग्य उपचार होऊ शकतात. भारतात या बाल यकृत रोगांचे निदान करण्यासाठी सुविधा केंद्र तसेच तज्ज्ञ उपलब्ध आहेत.
- डॉ. आरती पवारिया, वरिष्ठ सल्लागार, ग्लोबल रुग्णालय