चैन पुलिंगमधून ४२ हजारांची दंडवसुली

मुंबई, ता. २२ : मध्य रेल्वेच्या मुंबई विभागात गेल्या १३ दिवसांमध्ये ११२ साखळी खेचण्याच्या घटना घडल्या. त्यात ७७ प्रवाशांवर कारवाई करत त्यांच्याकडून ४२ हजार रुपयांच्या दंड वसूल करण्यात आला. मध्य रेल्वेच्या मुंबई विभागात ४ ते १७ जुलै या कालावधीत साखळी खेचण्याच्या एकूण १२२ प्रकरणांची नोंद झाली आहे. यापैकी १०२ प्रकरणे नोंदवून ७७ व्यक्तींवर कारवाई करण्यात आली. २०१९ ते २२ या कालावधीत साखळी खेचण्याच्या एकूण नऊ हजार २६७ घटना नोंदवल्या आहेत.