कॉम्फ्युटर हार्डवेअरच्या प्रशिक्षणाची संधी

अनुसूचित जातीतील तरुण - तरुणींसाठी कॉम्प्युटर हार्डवेअरच्या प्रशिक्षणाची संधी

नवी मुंबई (वार्ताहर) : ऐरोलीतील विश्वास बहुउद्देशीय विकास संस्थेने अनुसूचित जातीतील तरुण - तरुणींसाठी कॉम्प्युटर हार्डवेअरचे प्रशिक्षण घेण्याची संधी उपलब्ध करून दिली आहे. या प्रशिक्षणाचा कालावधी २ महिन्यांचा असून १८ ते ५० वयोगटातील किमान ७ वी पास प्रशिक्षणार्थींना या प्रशिक्षणाचा लाभ घेता येणार आहे. त्यासाठी प्रशिक्षणार्थींना आधार कार्ड, जातीचा दाखला, शाळा सोडल्याचा दाखला, २ फोटो संस्थेच्या ऐरोली सेक्टर-४ येथील कार्यालयात जमा करावे लागणार आहे. सदरचे प्रशिक्षण पूर्ण झाल्यानंतर प्रशिक्षणार्थींना प्रमाणपत्र व २ हजार रुपये विद्यावेतन देण्यात येणार आहे. त्यामुळे अनुसूचित जातीतील जास्तीत जास्त तरुण - तरुणींनी या प्रशिक्षणाचा लाभ घ्यावा, असे आवाहन विश्वास बहुउद्देशीय विकास संस्थेच्या अध्यक्षा यल्लवा रसनभैरे यांनी केले आहे. अधिक माहितीसाठी ९३२३९१६५२६ वर संपर्क साधण्याचे आवाहन केले आहे.