ठाणे पालिकेसाठी शुक्रवारी आरक्षण सोडत

सकाळ वृत्तसेवा
ठाणे, ता. २५ : महापालिकेच्या २०२२ मध्ये होणाऱ्या सार्वत्रिक निवडणुकीसाठी नागरिकांचा मागासवर्ग प्रवर्ग, नागरिकांचा मागासवर्ग प्रवर्ग (महिला) व सर्वसाधारण महिलांसाठी आरक्षण निश्चित करण्याकरीता सोडत काढणे, तसेच आरक्षणाचे प्रारूप प्रसिद्ध करण्यासाठी कार्यक्रम जाहीर करण्यात आला आहे. पालिकेच्या डॉ. काशिनाथ घाणेकर नाट्यगृह येथे शुक्रवारी (२९ जुलै) सकाळी ११ वाजता आरक्षण सोडत काढण्यात येणार आहे. तसेच शनिवारी (३० जुलै) आरक्षणाचे प्रारूप प्रसिद्ध करण्यात येणार आहे; तर शनिवारी ३० जुलै ते मंगळवार २ ऑगस्ट (दुपारी ३ वा.पर्यंत) आरक्षणाबाबत हरकती व सूचना सादर करण्याचा कालावधी असून हरकत व सूचना महापालिका आयुक्त यांच्याकडे निवडणूक कार्यालय, अथवा संबंधित प्रभाग कार्यालयाचे मुख्यालय येथे सादर कराव्यात, असे आवाहन करण्‍यात आले आहे.