.....................................

राज्यात २१३८ नवीन कोविड रुग्ण

सकाळ वृत्तसेवा
मुंबई, ता. २७ ः राज्यात बुधवारी २१३८ नवीन कोरोना रुग्णांचे निदान झाले आहे. आज २२७९ रुग्ण बरे होऊन घरी गेले असून राज्यात आजपर्यंत एकूण ७८,७७,२८८ कोरोना बाधित रुग्ण बरे होऊन घरी गेले आहेत. यामुळे राज्यातील रुग्ण बरे होण्याचे प्रमाण ९७.९८ टक्के एवढे झाले आहे.

राज्यात आज ८ कोरोना बाधित रुग्णाच्या मृत्यूची नोंद झाली आहे. सध्या राज्यातील मृत्युदर १.८४ टक्के एवढा आहे. आजपर्यंत तपासण्यात आलेल्या ८,३०,१४,५३८ प्रयोगशाळा नमुन्यांपैकी ८०,३९,३१९ (०९.६८ टक्के) नमुने पॉझिटिव्ह आले आहेत. राज्यात आज रोजी एकूण १३९४३ ॲक्टिव्ह रुग्ण आहेत.