दहीहंडीला सार्वजनिक सुट्टी?

मुंबई, ता. २९ : दहीहंडीच्या दिवशी सार्वजनिक सुटीसंदर्भात निर्णय घेण्याचा सूचना मुख्यमंत्री एकनाथ शिंदे यांनी आज मुख्य सचिव यांना दिल्या आहेत. दहीहंडी उत्सवामध्ये तरुणांवर दाखल असलेले किरकोळ स्वरूपाचे गुन्हे तातडीने मागे घेण्याचे निर्देश यापूर्वीच मुख्यमंत्री शिंदे यांनी मंत्रिमंडळाच्या बैठकीत दिल्याने मुंबईसह राज्यभरातील गोविंदा पथकांना मोठा दिलासा मिळाला आहे. स्वतः मुख्यमंत्री दहीहंडीचे आयोजक आहेत. साहजिकच दहीहंडीचे सरकार आले, असे म्हणत गोविंदा पथकांनी मुख्यमंत्र्यांचे आभार मानले आहेत. दहीहंडी उत्सवात गोविदांनी (१४ वर्षांपर्यंतच्या) न्यायालयाच्या नियमांचे पालन करावे, असे मुख्यमंत्री म्हणाले आहेत.