विरारच्या केअर संस्थेचे १४ ऑगस्टपासून प्रशिक्षण वर्ग

विरार, ता. १ (बातमीदार) : ‘केअर’ ही सेवाभावी संस्था २० वर्षांहून आधिक काळ कार्यरत आहे. या संस्थेचे समाजकार्य प्रशिक्षण वर्ग १४ ऑगस्टपासून सुरू करण्यात येणार आहेत. या संस्थेने तीन हजारहून अधिक युवक आणि व्यक्तींना प्रशिक्षण दिले आहे. प्रशिक्षितांपैकी काहींनी स्वतःच्या सामाजिक संस्थांची उभारणी करून सक्षमपणे समाजकार्य सुरू केले आहे. यंदा भारतीय स्वातंत्र्याच्या अमृतमहोत्सवी वर्षात बोरिवली आणि डोंबिवलीत केअर संस्थेच्या या प्रशिक्षण वर्गाची ५२ व ५३ वी बॅच सुरू होत आहे.