कासा शिवमंदिरात दर्शनासाठी गर्दी

कासा, ता. १ (बातमीदार) : कासा येथील पुरातन शिवमंदिरात आज श्रावणी पहिला सोमवारनिमित्त भाविकांनी मोठी गर्दी केली. पावसाने दडी मारल्याने मंदिरात भाविकांचे प्रमाण वाढले होते. पहाटे अभिषेक पूजा, आरती करण्यात आली. पिंडीवर अभिषेक करण्यासाठी सकाळच्या वेळी भाविकांनी गर्दी केली होती. मंदिर व्यवस्थापन समितीतर्फे मंदिराबाहेर बिल्व पत्र, साखर शेंगदाणे, उपवासासाठी प्रसादाची सोय केली होती. ओम नमः शिवाय, हर हर महादेव असा जयघोष करत उत्साही वातावरणात मंदिर परिसर गजबजला होता. श्रावणी सोमवारनिमित्त सकाळी ११ वाजल्यानंतर मंदिरात मोठी गर्दी पाहायला मिळाली.