गोविंदा पथकांसाठी वसई-विरार महापालिकेचा अपघाती विमा | Sakal
sakal

बोलून बातमी शोधा

गोविंदा पथकांसाठी वसई-विरार महापालिकेचा अपघाती विमा
गोविंदा पथकांसाठी वसई-विरार महापालिकेचा अपघाती विमा

गोविंदा पथकांसाठी वसई-विरार महापालिकेचा अपघाती विमा

sakal_logo
By

विरार, ता. ३ (बातमीदार) : दहीहंडी या साहसी खेळातील जोखीम लक्षात घेऊन वसई-विरार महापालिकेने गोविंदा पथकांसाठी अपघाती विमा जाहीर केला आहे. अपघाती विमा योजनेचा लाभ जास्तीत जास्त गोविंदांनी घ्यावा, असे आवाहन पालिकेच्या माध्यमातून करण्यात आले आहे.
दहीहंडीचा उत्साह मोठा असला, तरी हा साहसी खेळ असल्याने त्यात जोखीमही तितकीच आहे. या खेळात सात ते आठ थर लावले जात असल्याने अनेकदा हंडी फोडण्याच्या प्रयत्नात गोविंदा जखमी होतात. अनेकदा त्यांना रुग्णालयात दाखल करावे लागते. या सगळ्यात त्यांना मोठा आर्थिक भुर्दंड बसतो. हे सर्व गोविंदा सामान्य घरातून असल्याने हा खर्च त्यांच्या आवाक्यापलीकडे असतो. अशावेळी ‘विमा कवच’ असल्यास या गोविंदांना मोठा दिलासा मिळतो. हीच गरज लक्षात घेऊन वसई-विरार महापालिकेने गोविंदा पथकांकरता अपघाती विमा जाहीर केला आहे. पालिकेच्या माध्यमातून देण्यात येणारा हा विमा मोफत असणार आहे.
याकरिता नोंदणीकृत गोविंदा पथकांना आपल्या माहितीचा अर्ज पालिकेत भरून द्यायचा आहे. ज्या दिवशी विम्याची नोंदणी होईल त्या दिवशीपासून दहीहंडी उत्सवाच्या दुसऱ्या दिवशीपर्यंत हा विमा लागू असणार आहे. याकरता गोविंदा पथकांना आपली संपूर्ण माहिती विमा कंपनीला द्यावी लागणार आहे. न्यू इंडिया इन्श्युरन्स कंपनीकडून गोविंदा पथकांना विमा काढून दिला जाणार आहे.
......
वसई-विरार महापालिका क्षेत्रात ७७ पेक्षा अधिक नोंदणीकृत गोविंदा पथके आहेत. २०१९ मध्ये ४ हजार ६७५ गोविंदांनी पालिकेच्या विमा योजनेचा लाभ घेतला होता. या विम्याची एकूण रक्कम ३ लाख ४९ हजार २७५ इतकी होती. या वर्षी या संख्येत आणखी वाढ होण्याची शक्यता पालिकेने व्यक्त केली आहे.

Web Title: Todays Latest Marathi News Mum22g91404 Txt Palghar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..