बेकायदा जुगार प्रकरणात सात जण ताब्यात

नवी मुंबई, ता. ४ (वार्ताहर) : सीबीडी सेक्टर- १५ मधील कॉर्पोरेट हॉटेलच्या रूममध्ये बेकायदा जुगार खेळणाऱ्या सात जणांवर सीबीडी पोलिसांनी कारवाई केली आहे. विशेष म्हणजे यापूर्वी जून महिन्यातदेखील अशाच प्रकारे कारवाई करण्यात आली होती.
सीबीडी सेक्टर-१५ मधील कॉर्पोरेट हॉटेलमध्ये बी-३०६ क्रमांकाच्या रूममध्ये बेकायदा जुगाराचा क्लब चालवण्यात येत असल्याची माहिती सीबीडी पोलिसांना मिळाली होती. त्यानुसार सहायक पोलिस निरीक्षक सचिन मोरे यांच्या पथकाने सोमवारी रात्री ८.४५ च्या सुमारास कॉर्पोरेट हॉटेलमधील बी-३०६ क्रमांकाच्या रूमवर छापा मारला. या वेळी पैसे लावून पत्त्यांचा जुगार खेळणाऱ्या पाच जणांसह क्लब चालवणाऱ्या गलशेर खानला महाराष्ट्र जुगार प्रतिबंधक अधिनियमानुसार गुन्हा दाखल करुन ताब्यात घेतले आहे.