वंदे भारत ट्रेनला पसंती

सकाळ वृत्तसेवा
ठाणे, ता. १८ : आरामदायी आणि आनंददायी रेल्वे प्रवासाच्या अनुभवासाठी मध्य रेल्वेच्या ताफ्यात दोन वंदे भारत ट्रेनचा समावेश झाला आहे. या ट्रेन मुंबई ते सोलापूर आणि मुंबई ते शिर्डी या मार्गावर धावत आहेत. त्यात मुंबई ते शिर्डी या मार्गावर धावणाऱ्या रेल्वेला ठाणे स्थाकात थांबा दिला आहे. प्रवाशांनी या वंदे भारत ट्रेनला पसंती दर्शवली आहे.

त्यानुसार मागील आठ दिवसांत ठाणे स्थानकातून प्रतिदिन सुमारे ३०० ते ३२५ प्रवासी नाशिक आणि शिर्डी प्रवासाचा लाभ घेतला असल्याची माहिती मध्य रेल्वेचे माहिती व जनसंपर्क अधिकारी ए. के. जैन यांनी दिली. तसेच वंदे भारत ट्रेनचा आरंभ झाल्यानंतर १२ फेब्रुवारीला ठाणे स्थानकातून ३७५ प्रवाशांनी प्रवास केला असल्यचेदेखील त्यांनी सांगितले. मागील आठ दिवसात दोन हजार ते दोन हजार ४०० प्रवाशांनी प्रवास केला असल्याचेदेखील जैन यांनी या वेळी सांगितले.

.........................

* मुंबई साईनगर शिर्डी वंदे भारत एक्स्प्रेस ट्रेनचे वैशिष्ट्ये
• ही देशातील १० वी वंदे भारत ट्रेन
• छत्रपती शिवाजी महाराज टर्मिनस आणि साईनगर शिर्डीदरम्यान जलद कनेक्टिव्हिटी
• आर्थिक राजधानीला महाराष्ट्रातील तीर्थक्षेत्रांशी जसे की नाशिक, त्र्यंबकेश्वर, साईनगर शिर्डीला जोडले जाणार
• थळ घाट म्हणजे कसारा घाट विभागात बँकर इंजिनशिवाय ३७ मीटरला १ मीटर घाट चढणारी पहिली वंदे भारत ट्रेन