पश्चिम रेल्वेवर अतिरिक्त होळी स्पेशल एक्स्प्रेस

सकाळ वृत्तसेवा

मुंबई, ता. ५ : सणासुदीच्या काळात रेल्वे प्रवाशांची अतिरिक्त गर्दी लक्षात घेऊन पश्चिम रेल्वेने साबरमती-ओखा आणि भावनगर-वांद्रे टर्मिनस-अहमदाबाद दरम्यान अतिरिक्त होळी विशेष गाड्या सोडण्याचा निर्णय घेतला आहे. ट्रेन क्र. ०९४५३ साबरमती-ओखा सुपरफास्ट एक्स्प्रेस ६ आणि ८ मार्चला साबरमतीहून रात्री ११.३५ वाजता सुटेल. ट्रेन क्र. ०९४५४ ओखा-साबरमती एक्स्प्रेस ७ आणि ९ मार्चला ओखा येथून रात्री ११.४५ वाजता सुटेल. ट्रेन क्र. ०९२०६ भावनगर - वांद्रे (टी) वन वे स्पेशल एस्क्प्रेस ६ मार्च रोजी भावनगरहून सायंकाळी ५.४५ वाजता, ट्रेन क्र. ०९२०५ वांद्रे टर्मिनस-अहमदाबाद सुपरफास्ट एक्स्प्रेस ७ मार्च रोजी वांद्रे टर्मिनसहून सकाळी ११.१५ वाजता निघेल. या रेल्वे गाड्यांचे आरक्षण भारतीय रेल्वेच्या सर्व संगणकीकृत आरक्षण केंद्रांवर आणि आयआरसीटीसीच्या संकेस्थळांवर सुरू झाले आहे.