क्षुल्लक वादातून तरुणांना मारहाण

डोंबिवली, ता. ८ ः धूलिवंदनाच्या दिवशी सायंकाळी डोंबिवलीत दोन तरुणांना टोळक्याने बेदम मारहाण केल्याची घटना सातपूल परिसरात घडली. डोक्यात बियरच्या बाटल्या फोडून तसेच रेल्वे रुळांवरील दगड फेकून मारले. ओमकार माळी व अभिषेक भोईर या जखमी तरुणांवर डोंबिवलीतील शास्त्रीनगर रुग्णालयात उपचार सुरू आहेत. याप्रकरणी सचिन म्हात्रे, प्रथम भोईर, महेश चारसे, राम्या म्हात्रे, लाल्या म्हात्रे, सुसते आंबेकर यांसह सात ते आठ जणांविरोधात विष्णुनगर पोलिस ठाण्यात गुन्हा दाखल करण्यात आला आहे. हा गुन्हा डोंबिवली लोहमार्ग पोलिसांकडे वर्ग करण्यात आला आहे. याप्रकरणी अद्याप कोणालाही अटक करण्यात आलेली नाही.