आमदार गणपत गायकवाड यांच्या कार्यालयाचे उद्‌घाटन

उल्हासनगर, ता. २७ (वार्ताहर) : उल्हासनगरात आमदार गणपत गायकवाड यांच्या जनसंपर्क कार्यालयाचे उद्‌घाटन करण्यात आले आहे. त्यामुळे नागरिकांच्या समस्यांचा मार्ग मोकळा झाला आहे. गणपत गायकवाड हे कल्याण पूर्व विधानसभा क्षेत्राचे आमदार असून, त्यांच्या हद्दीत उल्हासनगरातील नऊ वॉर्ड येतात. येथील नागरिकांना काही नागरी समस्या भेडसावल्यास त्यांना आमदार गायकवाड यांच्या कल्याण पूर्वेतील कार्यालयास जावे लागत होते. ही वस्तुस्थिती असल्याने स्थानिक पदाधिकारी, कार्यकर्ते यांच्या मागणीनुसार मराठा सेक्शनमध्ये जनसंपर्क कार्यालय तयार करण्यात आले असून, त्याचे उद्‌घाटन आमदार गणपत गायकवाड यांच्या हस्ते करण्यात आले आहे. या वेळी उल्हासनगरचे आमदार कुमार आयलानी, जिल्हाध्यक्ष जमनू पुरस्वानी, भाजपचे प्रवक्ता प्रदीप रामचंदानी, माजी नगरसेवक शेरी लुंड, मंडळ अध्यक्ष नीलेश बोबडे, पदाधिकारी रेश्मा नवले-बोबडे, सुनील तांबेकर, माजी नगरसेविका इंदिरा तरे आदी उपस्थित होते.