वसई किल्ला भटकंतीचे आयोजन

विरार, ता. १५ (बातमीदार) : पालघर जिल्ह्यात वसईच्या किल्ल्याला मोठा इतिहास आहे. जंजिरे वसई किल्ला प्रत्यक्ष अनुभवण्यासाठी व तब्बल २८५ वर्षांचा गौरवशाली इतिहास जाणुन घेण्यासाठी ७ मे २०२३ रोजी अभ्यास भटकंती सफरीचे आयोजन करण्यात आले आहे. सकाळी ७.३० ते दुपारी २ या वेळेत पूर्णपणे विनामूल्य आयोजन करण्यात आले आहे. वसई-विरार शहर महानगरपालिकेतर्फे आयोजित केलेल्या कार्यक्रमात इतिहास मार्गदर्शक श्रीदत्त राऊत हे मार्गदर्शन करणार आहेत. किल्ला सफरमध्ये सहभागी होण्यासाठी ९७६४३१६६७८ या संपर्क क्रमांकावर आपले पूर्ण नाव व परिचय पाठवून व्हाट्सउप नोंदणी करावी, असे आवाहन आयोजकांतर्फे कण्यात आले आहे.