एमएसआरडीसीचे पावसाळी नियंत्रण कक्ष

मुंबई, ता. ३१ : मुंबई महानगर प्रदेशात (एमएमआर) पावसामुळे उद्‍भवणारी आपत्कालीन परिस्थिती हाताळण्यासाठी महाराष्ट्र राज्य रस्ते विकास महामंडळाच्या वतीने (एमएसआरडीसी) १ जूनपासून पावसाळी नियंत्रण कक्ष सुरू करण्यात येणार आहे. सदर नियंत्रण कक्ष २४ तास कार्यरत राहणार असून, महामंडळाचे अधिकारी व अभियंता कर्तव्य बजावणार आहेत. एमएमआर महामंडळाच्या अखत्यारितील विविध उड्डाण पुलांची देखभाल व दुरुस्तीची जबाबदारी अभियांत्रिकी विभागाकडे आहे. राज्य व मुंबई महापालिका, ठाणे, नवी मुंबई, आपत्कालीन नियंत्रण कक्षाबरोबर एमएमआरडीएच्या नियंत्रण कक्षाच्याचा समन्वय राहणार असून, नियंत्रण कक्ष ३० सप्टेंबरपर्यंत सुरू राहणार आहे.