खारघरमध्ये आमदार ठाकूर यांची प्रचार रॅली

खारघर, ता. ३१ (बातमीदार) : पनवेल मतदारसंघात महायुतीचे अधिकृत उमेदवार आमदार प्रशांत ठाकूर यांच्या प्रचार रॅलीला मंगळवारी (ता. २९) खारघरमध्ये उत्स्फूर्त प्रतिसाद मिळाला.
खारघर गावातील चेरोबा मंदिरात दर्शन घेऊन त्यांनी प्रचाराला सुरुवात केली. खारघर वसाहतीतील सेक्टर बारामधील ब्लॉक ए ते एफ व शेवटी शिवमंदिरापर्यंत रॅली काढण्यात आली होती. आम्ही कामावर जास्त विश्‍वास ठेवतो. अनेक जण आरोप करतात; मात्र जनतेची कामे करण्याची धमक लागते, ती धमक महायुतीच्या कार्यकर्त्यांमध्ये आहे, असे सांगून येत्या २० नोव्हेंबर रोजीच्या मतदानादिवशी कमळासमोरील बटण दाबून विकासाच्या दिशेने पाऊल उचलून पुन्हा तुमची सेवा करण्याची संधी द्या, असे आवाहन आमदार प्रशांत ठाकूर यांनी मतदारांना केले. या वेळी पनवेल महापालिकेचे माजी सभागृहनेते परेश ठाकूर, भाजपचे जिल्हा चिटणीस ब्रिजेश पटेल, खारघर शहर अध्यक्ष प्रवीण पाटील, माजी नगरसेवक हरेश केणी, अभिमन्यू पाटील, नरेश ठाकूर, शत्रुघ्न काकडे, नीलेश बावीस्कर, गुरुनाथ गायकर, माजी नगरसेविका नेत्रा पाटील, अनिता पाटील, हर्षदा उपाध्याय, आरपीआयचे पनवेल महानगर अध्यक्ष प्रभाकर कांबळे यांच्यासह पदाधिकारी, कार्यकर्ते आणि रहिवासी मोठ्या संख्येने उपस्थित होते.