भाजप कार्यकर्त्यांचा शिवसेना ठाकरे गटात प्रवेश

उरण, ता. ३१ (बातमीदार) : उरण तालुक्यातील करंजा कोळी कोंढरीपाडा येथील असंख्य भाजप कार्यकर्त्यांनी शिवसेना (ठाकरे) पक्षात प्रवेश केला, माजी आमदार मनोहर भोईर यांच्या नेतृत्वावर विश्वास ठेवून तसेच उपतालुका संघटक व चाणजे माजी सरपंच अमित भगत यांच्या प्रयत्नाने करंजा मच्छीमार सोसायटीचे विद्यमान सदस्य गौरेश कोळी, तसेच कोळी कोंडरीपाड्यातील त्याचे सहकारी रोहित कोळी, संतोष कोळी, केतन कोळी, ओमकार कोळी, सिद्धेश्वर कोळी, विक्रांत कोळी, क्रिश कोळी, मानव कोळी, अनिकेत कोळी, स्वयंम कोळी, व्यंकटेश कोळी, बंटी पाटील व त्यांचे सहकारी यांनी शिवसेना (उद्धव बाळासाहेब ठाकरे) पक्षात प्रवेश केला. या सर्वांचे माजी आमदार मनोहर भोईर व उरण तालुकाप्रमुख संतोष ठाकूर यांनी भगवी शाल अर्पण करून शिवसेनेत स्वागत केले.
यावेळी उरण तालुकाप्रमुख संतोष ठाकूर, उपतालुका संघटक अमित भगत, विभागप्रमुख राजू पाटील, शाखाप्रमुख अमृत कोळी, उपशाखाप्रमुख विघ्नेश नाखवा, गजानन लव्हले, नंदू चव्हाण व कार्यकर्ते उपस्थित होते. मोठ्या प्रमाणात पक्षप्रवेश होत असल्याने शिवसेनेची ताकद दिवसेंदिवस वाढतच आहे.