भीषण स्फोटात तिघे जखमी

बोईसर ता.३० (बातमीदार): शहरातील अवधनगरमधील दुबे चाळीत स्फोट होऊन तिघेजण जखमी आहेत. हा स्फोट कशामुळे झाला, याचे कारण अजून स्पष्ट झालेले नसून जखमींना जवळच्या एका खासगी रुग्णालयात उपचारासाठी दाखल करण्यात आले आहे.
अवधनगरमधील दुबे चाळीत बुधवारी रात्री (ता.३०)झालेल्या स्फोटात दोन मुले, एक महिला आणि एक पुरुष गंभीररीत्या जखमी आहे. स्फोट इतका मोठा होता की इमारतीची भिंत कोसळली होती. पण यामध्ये कोणतीही जीवितहानी झालेली नाही. हा परिसर दाट लोकवस्तीचा आहे. त्यामुळे घटनेची माहिती मिळताच पोलिस दलासह श्वानपथक, विद्युत प्रवाह पथक आणि घरगुती गॅस सिलिंडर, फॉरेन्सिक पथकाने घटनास्थळाची पाहणी केली आहे. दरम्यान, जखमींची प्रकृती स्थिर असल्याचे सांगण्यात येत आहे. मात्र, या घटनेने परिसरात भीतीचे वातावरण आहे.
---------------------------------------
...अनर्थ झाला असता
अवधनगर अलसिफा हा परिसर दाट लोकवस्तीचा आहे. स्फोटानंतर इमारतीचे सिमेंटचे बांधकाम कोसळले आहे. मात्र, सुदैवाने यामध्ये कोणतीही जीवितहानी झालेली नाही. पण स्फोटानंतर जर आग लागली असती तर मोठ्याप्रमाणात जीवितहानी झाली असती, अशी माहिती स्थानिकांनी दिली.