सतरा लाखांची रोकड जप्त

उल्हासनगर, ता. ३१ (वार्ताहर)ः विधानसभा निवडणुकीच्या आचारसंहिता पालनासाठी उल्हासनगर विधानसभा मतदारसंघात नेमलेल्या भरारी पथकाने बुधवारी मध्यरात्री १७ लाखांची रोकड जप्त केली आहे. या पैशांसंदर्भात आयकर विभागाच्या माध्यमातून तपासणी सुरू आहे.
विधानसभा निवडणुकीच्या पार्श्वभूमीवर सध्या आठ भरारी पथकांची नियुक्ती करण्यात आली आहे. कल्याणकडून मुरबाडच्या दिशेने जाणाऱ्या एमएच-०५ डीझेड-९९११ क्रमांकांच्या वाहनात पोलिसांच्या पथकाला तपासणीदरम्यान सतरा लाखांची रोख रक्कम मिळाली होती. या पैशांसंदर्भात वाहनचालकाकडे कोणताही वैध पुरावा नसल्याने जप्तीची कारवाई केली आहे. तसेच, आयकर विभागाच्या माध्यमातून सखोल तपासणी सुरू आहे.