खचलेल्‍या गटाराच्या झाकणामुळे अपघाताची भीती

खचलेल्‍या गटाराच्या झाकणामुळे अपघाताची भीती
जोगेश्‍वरी, ता. २५ ः जोगेश्‍वरी पूर्व येथील विजय राऊत मार्गावरील मेघवाडी पोलिस ठाण्याजवळ रस्त्याच्या मधोमध असलेले भूमिगत गटाराचे झाकण तुटून खचले आहे. त्यामुळे या मार्गावरून जाणाऱ्या वाहनचालकांना मोठा धोका निर्माण झाला आहे. हा परिसर नेहमीच रहदारीने गजबजलेला असल्याने कोणताही अपघात होऊ नये, यासाठी के-पूर्व विभागाने खबरदारीचा उपाय म्हणून पिवळे बॅरिकेड लावले आहे.
स्थानिक नागरिकांच्या म्हणण्यानुसार, हे गटाराचे झाकण अनेक दिवसांपासून तुटलेल्या अवस्थेत आहे. प्रशासनाने तात्पुरती खबरदारी घेतली असली तरी झाकणाची दुरुस्ती तातडीने करून कायमस्वरूपी उपाययोजना करावी, अशी मागणी नागरिकांनी केली आहे.