खराब हवामानामुळे ऐतिहासिक जंजिरा किल्ला बंद
खराब हवामानामुळे ऐतिहासिक जंजिरा किल्ला बंद
पर्यटकांचा हिरमोड; मेरिटाइम बोर्डच्या आदेशाची प्रतीक्षा
मुरूड, ता. २६ (बातमीदार) : दिवाळीच्या सुट्ट्यांमध्ये ऐतिहासिक जंजिरा किल्ला पाहण्यासाठी राजपुरी, खोराबंदर आणि दिघी बंदरातून आलेल्या शेकडो पर्यटकांचा खराब हवामानामुळे हिरमोड झाला आहे. सुरक्षिततेच्या कारणास्तव शिडाच्या व इंजिन बोटी समुद्रात उतरवल्या गेल्या नाहीत. त्यामुळे पर्यटकांना किल्ला दर्शन न घेताच परत जावे लागले.
पुरातत्त्व विभागाचे कर्मचारी प्रकाश घुगरे यांनी सांगितले की, बोटी बंद झाल्यामुळे जंजिरा किल्ल्याचे दरवाजे बंद करावे लागले असून, मेरिटाइम बोर्डाकडून पुढील आदेश येईपर्यंत किल्ला बंद ठेवला जाईल, तर बंदर निरीक्षक प्रमोद राऊळ म्हणाले, की भारतीय हवामानशास्त्र विभागाने महाराष्ट्र-गोवा किनाऱ्यासाठी सावधानता सिग्नल क्रमांक ३ (एलसी-III) जारी केला आहे. पूर्वमध्य अरबी समुद्रावरील कमी दाबाचा पट्टा आणि चक्रीवादळाच्या शक्यतेमुळे राजपुरी ते जंजिरा व दिघी ते जंजिरा मार्गावरील प्रवासी वाहतूक बंद करण्यात आली आहे.
समुद्रात कमी दाबाचा पट्टा निर्माण झाल्यामुळे व लाटा उसळण्याची शक्यता असल्याने पर्यटकांच्या सुरक्षेसाठी मेरिटाइम बोर्डाने बोटी बंद ठेवण्याचा निर्णय घेतला आहे. यामुळे आर्थिक नुकसान होत असल्याची खंत बोट मालक जावेद कारभारी यांनी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.