प्रवीण दरेकर यांचा उद्या पदग्रहण सोहळा

प्रवीण दरेकर यांचा
उद्या पदग्रहण सोहळा
मुंबई, ता. २६ ः महाराष्ट्र गृहनिर्माण स्वयंसमूह पुनर्विकास प्राधिकरणाचे अध्यक्ष आमदार प्रवीण दरेकर (कॅबिनेट मंत्री दर्जा) यांचा पदग्रहण समारंभ मंगळवारी (ता. २८) म्हाडा मुख्यालयात होईल.
या पदग्रहण समारंभाला महसूलमंत्री चंद्रशेखर बावनकुळे, भाजप प्रदेशाध्यक्ष रवींद्र चव्हाण, उद्योगमंत्री उदय सामंत, मुंबई उपनगरचे पालकमंत्री ॲड. आशीष शेलार, भाजप मुंबई अध्यक्ष अमित साटम, मुंबई उपनगर सहपालकमंत्री मंगलप्रभात लोढा, गृहनिर्माण व सहकार राज्यमंत्री पंकज भोयर, म्हाडाचे उपाध्यक्ष संजीव जयस्वाल, आमदार प्रसाद लाड, चित्रा वाघ, महाराष्ट्र राज्य सहकारी बँकेचे प्रशासक विद्याधर अनास्कर, मुंबई बँकेचे उपाध्यक्ष सिद्धार्थ कांबळे यांची प्रमुख उपस्थिती असेल. वांद्रे-कलानगर येथील गृहनिर्माण भवनात हा समारंभ दुपारी दोन वाजता होईल.