कमलधाम वृद्धाश्रमात दिवाळीचा गोडवा

कमलधाम वृद्धाश्रमात सदाबहार गीतांचा गोडवा
​अंबरनाथ, ता. २८ (वार्ताहर) ः दिवाळीच्या निमित्ताने अंबरनाथ येथील कमलधाम वृद्धाश्रमामध्ये जेआरएल आणि कराओके म्युझिक ग्रुप यांच्या वतीने सदाबहार गाण्यांचा कार्यक्रम आयोजित केला होता. ​या कार्यक्रमाची संकल्पना आयोजक जोसेफ लांडगे आणि ललिता साळवी यांनी मांडली होती. उपस्थित गायक आणि मान्यवरांनी आपल्या सुरेल गीतांनी आश्रमातील आजी-आजोबांना मंत्रमुग्ध केले.
गायक विजय साळवी, कामगार नेते भारत तांबे, पोलिस अधिकारी राजेश आठवले, विजय शिरसाठ, दीपक सावंत, अशोक देठे, अशोक हुमणे, जेकब गजभिव, ललिता साळवी आणि सुजाता केवट यांनी सुंदर गाणी सादर केली. आश्रमातील कर्मचाऱ्यांनी आणि आजी-आजोबांनी कार्यक्रमाला उत्स्फूर्तपणे सहकार्य केले. आश्रमातील नामदेव मोरे आणि अनिता बागडे यांनी सर्व कलावंत आणि मान्यवरांचे स्वागत करून त्यांची उत्तम सोय केली.
​आयोजक, मान्यवर आणि सर्व कलाकारांनी आजी-आजोबांना भेटवस्तू आणि खाऊचे वाटप केले. हा कार्यक्रम अत्यंत सुंदर आणि देखणा झाल्यामुळे सर्व स्तरांतून आयोजकांचे कौतुक होत आहे. या उपक्रमाने आजी-आजोबांच्या चेहऱ्यावर दिवाळीचा आनंद फुलला.

नोट : सोबत फोटो जोडलेले आहेत.