१० डम्पर चालकांवर गुन्हा

१० डम्परचालकांवर गुन्हा
उरण, ता. २ (वार्ताहर)ः उलवा पोलिस ठाण्याच्या हद्दीत धोकादायक डेब्रिज वाहतूक करणाऱ्या १० डम्परचालकांविरुद्ध गुन्हा दाखल केला आहे.
उलवा पोलिस ठाण्याचे पथक रात्री गस्त घालत असताना अटल सेतू मुंबई ते उलवे, सेक्टर-१२, नवी मुंबई येथे १० डंपरचालक डेब्रिज घेऊन जात असल्याचे आढळले. पथकाने तपासणी केली असता डम्परमधील डेब्रिज आरोग्यासाठी धोकादायक असल्याचे दिसून आले. या वेळी एक डम्परचालक गाडी सोडून पळून गेला. तर रामप्रकाश यादव, मंजर शेख, महमुद शेख, मोहम्मद शहा, संतोषकुमार पाल, सोहल खान, महेमुद अली, गुलाम शेख, सजायाद खान अशी आरोपींची नावे आहेत. याप्रकरणी कलम ६२ आणि २७१ अन्वये गुन्हा नोंदवण्यात आला आहे.