पतसंस्था परिवार रौप्य महोत्सवी स्मरणिकेचे प्रकाशन

पतसंस्था परिवार स्मरणिकेचे आज प्रकाशन
कांदिवली, ता. १२ (बातमीदार) : बृहन्मुंबई सहकारी पतसंस्था फेडरेशन मर्यादित ‘पतसंस्था परिवार’ या मासिकास २५ वर्षे पूर्ण होत असल्याच्या निमित्ताने गुरुवारी (ता. १३) दुपारी ४ वाजता शिवाजी मंदिर सभागृह, दादर येथे सहकार स्नेहसंमेलनाचे आयोजन करण्यात आले आहे. या कार्यक्रमात पतसंस्था परिवार रौप्य महोत्सवी स्मरणिकेचे प्रकाशनदेखील करण्यात येणार आहे. या प्रकाशन सोहळ्याला महाराष्ट्राचे उपमुख्यमंत्री अजित पवार, सहकारमंत्री बाबासाहेब पाटील, मुंबई बँकेचे अध्यक्ष प्रवीण दरेकर, सहकार राज्यमंत्री पंकज भोयर आदी उपस्थित राहणार आहेत. यासाठी सहकार क्षेत्रातील सर्व नागरिकांनी उपस्थित राहावे, असे आवाहन बृहन्मुंबई पतसंस्था फेडरेशन लिमिटेडचे अध्यक्ष शिवाजीराव नलावडे यांनी केले आहे.