आक्सा किनाऱ्यावर जीव वाचवणाऱ्या वीरांचा सन्मान!

आक्सा किनाऱ्यावर जीव वाचवणाऱ्या वीरांचा सन्मान
मालाड, ता. १२ (बातमीदार) : सोशल डेमोक्रॅटिक पार्टी ऑफ इंडिया (एसडीपीआय) या संस्थेच्या वतीने ३१ ऑक्टोबर २०२५ रोजी आक्सा समुद्रकिनारी घडलेल्या एका धाडसी घटनेचा गौरव करण्यात आला. त्या दिवशी समुद्रात बुडत असलेल्या तीन मुलांचा जीव वाचवण्यासाठी जीवाची पर्वा न करता पुढे सरसावलेल्या मन वैती, रुतिकेश कोळी आणि जिग्नेश म्हात्रे या तीन तरुणांना प्रशस्तिपत्रक देऊन सन्मानित करण्यात आले.
एसडीपीआयच्या कार्यकर्त्यांनी सांगितले, की या तिघांनी दाखवलेले धैर्य आणि सामाजिक जबाबदारीचे भान आजच्या तरुणांसाठी प्रेरणादायी आहे. या वेळी स्थानिक नागरिक, पक्षांचे पदाधिकारी आणि बचावकार्य पाहणारे स्वयंसेवक उपस्थित होते.