पारशी समाजातील सदस्यांनी आज संजना दिवस

पारशी समाजाकडून संजना दिवस साजरा

बोर्डी, ता. १४ (बातमीदार) ः इराणमधून भारतात आलेल्या पारशी समाजातील सदस्यांनी शुक्रवारी (ता. १४) संजना दिवस साजरा केला. त्यानिमित्ताने विविध राज्यात वास्तव्यस असलेल्या पारशी समाजातील सदस्य गुजरातमधील महाराष्ट्राच्या सीमेजवळ असलेल्या संजाण येथे एकत्र आले होते.
१३९६ वर्षांपूर्वी इराणमधील जातीय तणावानंतर पारशी समाजाने तेथून काढता पाय घेऊन भारतात आले होते. प्रथम ते दक्षिण गुजरात राज्यातील संजाण येथे आले. संजाणचे राजे जदी राणा यांना शरण आले. दुधामध्ये साखरेप्रमाणे आम्ही आपल्या राज्यात सर्व लोकांबरोबर मिळून राहू अशा प्रकारची हमी घेऊन राजे राणा यांनी पारशी समाजाला आपल्या राज्यात सामावून घेतले होते.
या वेळी समाजाची एक बांधिलकी म्हणून संजाण रेल्वे स्थानकाच्या पश्चिमेला पारशी लोकांनी आपल्याला आधार देणाऱ्या व्यक्तीच्या स्मृती कायमस्वरूपी राहाव्यात म्हणून एक स्मृती स्तंभ बांधला होता. दरवर्षी १४ नोव्हेंबरला या स्तंभाच्या ठिकाणी येऊन पारशी समाज संजय राजाचे ऋण व्यक्त करण्यासाठी येत असतो. १४ नोव्हेंबर यानिमित्ताने भारतभरातून वेगवेगळ्या राज्यातून पारशी समाजातील सदस्य एकत्र आले होते. या समाजातील प्रवास करणाऱ्या सदस्यांना येण्या-जाण्यासाठी रेल्वे मंत्रालयानेदेखील संजय रेल्वेस्थानकात सर्व मेल एक्स्प्रेस गाड्यांना थांबा दिला होता.