पत्नीचा पतीवर चाकु हल्ला
पत्नीचा पतीवर चाकूहल्ला
सकाळ वृत्तसेवा
ठाणे, ता. ९ : घर नावावर करून दे, असे म्हणत पत्नीने पतीवर चाकूहल्ला केल्याची घटना ठाण्यात घडली आहे. यामध्ये पतीच्या उजव्या हाताला आणि डोक्याला दुखापत झाली असून, याप्रकरणी श्रीनगर पोलिस ठाण्यात गुन्हा दाखल झाला आहे.
तक्रारदार हे एका असोसिएशनमध्ये अकाउंटचे काम करतात. त्यांनी पहिल्या पत्नीला सोडचिठ्ठी दिल्यानंतर त्यांनी दुसरे लग्न केले होते, परंतु दुसऱ्या पत्नीने तिच्या पहिल्या लग्नाची पूर्वकल्पना न देता तक्रारदार यांना अंधारात ठेवले. तसेच पहिल्या पतीसोबत सोडचिठ्ठी न घेता विवाह केला होता. दरम्यान, आईच्या नावावर असणारे घर नावावर करून दे, असा तगादा पत्नीने तक्रारदार यांच्या मागे लावला होता. त्याबाबत तक्रारदार यांनी श्रीनगर पोलिस ठाण्यात यापुर्वीच तक्रारदेखील नोंदवली होती.
दरम्यान, घरावरून तक्रारदार आणि पत्नीमध्ये शुक्रवारी (ता. ५) वाद झाला. या रागातून पत्नीने भाजी कापण्याचा चाकू तक्रारदार यांच्या दिशेने भिरकावला, तर चहा बनवण्याच्या भांड्यानेदेखील तक्रारदार यांना मारहाण केल्याने ते गंभीर जखमी झाले होते. याप्रकरणी श्रीनगर पोलिस ठाण्यात गुन्हा दाखल झाला असून, पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.