गतिरोधक नसल्याने रस्ता धोकादायक

गतिरोधक नसल्याने रस्ता धोकादायक
तुर्भे, ता ९(बातमीदार ): तुर्भे एमआयडीसी परिसरातील रस्त्यावरचा गतिरोधक तुटलेला असून, तिथे ‘व्हाइट पट्टा’ही नसल्याने रात्रीच्या वेळी अनेक अपघात होत आहेत. त्यामुळे या रस्त्यावरील धोकादायक परिस्थिती तातडीने दूर करून नवीन गतिरोधक बसवावा, अशी मागणी स्थानिकांकडून जोर धरत आहे.
तुर्भे इंदिरानगर परिसरातील बगाडे कंपनीपासून इंदिरानगर पोलिस चौकीपर्यंत असलेला गतिरोधक मोठ्या प्रमाणावर तुटलेला आहे. विशेषत: रात्रीच्या वेळी मार्किंग नसल्याने वाहनचालकांना गतिरोधकाचा अंदाज लागत नाही आणि अनेकांना वेगावर नियंत्रण न ठेवल्याने अपघातांना सामोरे जावे लागत आहे.
या गंभीर समस्येबाबत अनेक वेळा नवी मुंबई महापालिकेकडे तक्रारी करण्यात आल्या असून, गतिरोधक दुरुस्ती व व्हाइट पट्टा करण्याची मागणी वारंवार करण्यात आली आहे, मात्र महापालिकेने दुर्लक्ष केल्याचा स्थानिकांचा आरोप आहे.
अखेर महापालिकेकडून कोणतीही कारवाई न झाल्याने स्थानिक रहिवासी नूर शेख आणि सोमनाथ साळुंके यांनी स्वतः पुढाकार घेत रस्त्यावर उतरले. वाढत्या अपघातांना आळा घालण्यासाठी त्यांनी स्वतःच्या खर्चाने रस्त्यावर व्हाइट चुना मारून तात्पुरते मार्किंग केले.
कोट
नवी मुंबई महापालिकेच्या या उदासीन भूमिकेचा आम्ही तीव्र निषेध शिवसेना उद्धव बाळासाहेब ठाकरे पक्षाकडून केरत आहे. त्वरित पांढरे पट्टे व गतिरोधकांची दुरुस्ती करावी.
महेश कोटीवले, उपजिल्हाप्रमुख उबाठा
मागणी –
- तुटलेला गतिरोधक तत्काळ दुरुस्त करावा.
- संपूर्ण रस्त्यावरील व्हाइट पट्टे तातडीने मारावेत.
- अपघातमुक्त क्षेत्र निर्माण करावे.