दारूच्या भट्टीवर कारवाई

दारूच्या भट्टीवर कारवाई
रसायनी, ता. ३ (बातमीदार) ः पनवेल तालुक्यातील माडभुवन डोंगराळ भागात दारूच्या हातभट्टीवर रसायनी पोलिस पथकाने सोमवारी सायंकाळी कारवाई केली. याठिकाणी २०० लिटर क्षमतेचे तांबड्या रंगाचे उग्र वासाचे रसायन भरलेले ४ प्लास्टिक ड्रम व २०० लिटर क्षमतेची टाकी असे एकूण १,००० लिटर रसायन आढळले. हे रसायन नष्‍ट करून प्लास्टिकचे ड्रम जाळून नष्ट करण्यात आले. याबाबत रसायनी पोलिस ठाण्यात नोंद करण्यात आली असून पोलिस निरीक्षक कैलास डोंगरे यांच्या मार्गदर्शनाखाली मंगेश लांगी, विशाल झावरे, नंदन पाटील, जयेश भोईर यांच्या पथकाने ही कारवाई केली.