मीनेश गाडगीळ यांना कृ्षिभूषण पुरस्कार

रसायनी (बातमीदार) : महाराष्ट्र दिनानिमित्त नाशिक येथे शेतीमधील नावीन्यपूर्ण संकल्पना, कार्य यासाठी राज्य सरकारकडून विविध पुरस्कार प्रदान समारंभ घेण्यात आला. या समारंभात रसायनीतील गुळसुंदे येथील शेती संशोधक मीनेश मोहन गाडगीळ यांना २०१९ कृषिभूषण सेंद्रिय शेती या पुरस्काराने सपत्निक गौरविण्यात आले. हा पुरस्कार हा राज्यपाल भगतसिंग कोश्‍यारी यांच्या हस्ते देण्यात आला. राज्याचे उपमुख्यमंत्री अजित पवार, कृषीमंत्री दादासाहेब भुसे, महसूलमंत्री बाळासाहेब थोरात, नाशिकचे पालकमंत्री छगन भुजबळ, कृषी राज्यमंत्री विश्वजित कदम, नरहरी झिरवळ उपस्थित होते. सेंद्रिय प्लॅन्ट ग्रोथ प्रमोटर व कंपोस्ट इनहॅन्सर यांचे संशोधन आणि सेंद्रिय शेतीमधील त्याचा पसार या उल्लेखनीय कामगिरीबद्दल मीनेश गाडगीळ यांना कृषिभूषण देऊन गौरविण्यात आले.