वासांबे मोहोपाड्यात साहित्यांचे वाटप

रसायनी (बातमीदार) : वासांबे मोहोपाड्यातील रिस येथे खालापूर तालुका पंचायत समिती सेस फंडातून आदिवासी बांधवांना साहित्य वाटप करण्यात आले. शिवसागर आदिवासी वाडीतील तरुणांना बेन्जो, मोहोपाडा शिंदी वाडीत टेबल, खुर्ची, सतरंजी, लोधीवली कुरंगळे वाडीत सतरंजी, रिस बौद्धवाडीत भांडी, सतरंजी आदी साहित्य देण्यात आले. या साहित्याचे वाटप खालापूर तालुका पंचायत समिती माजी सभापती कांचन पारंगे, सरपंच ताई पवार, उपसरपंच श्वेता कांबळे, माजी सरपंच कृष्णा पारंगे यांच्या हस्ते करण्यात आले. गरजेचे साहित्य मिळाल्याने नागरिकांनी समाधान व्यक्त केले आहे. कार्यक्रमाला रायगड जिल्हा काँग्रेस कमिटी सरचिटणीस प्रमोद राईलकर, निखील ढवळे, सागर सुखदरे, प्रशांत खाने, संजय कांबळे, शाम म्हसकर, संतोष चौधरी, प्रकाश पाटील, रमेश कांबळे, पुंडलिक पवार, ज्ञानेश्वर पाटील, रवी देसाई, अशोक पारंगे, उमेश भोईर, जयंता पारंगे, अजय म्हसकर उपस्थित होते.