उपसरपंचपदी माधुरी जांभळे

रसायनी, ता. १२ (बातमीदार) ः रसायनीतीला वासांबे मोहोपाडा ग्रुप ग्रामपंचायतीच्या उपसरपंचपदी माधुरी जांभळे यांची बिनविरोध निवड झाली. उपसरपंच श्वेता कांबळे यांनी पदाचा राजीनामा दिला होता. त्यानंतर रिक्तपदाची निवडणूक बुधवारी दुपारी ग्रामपंचायतीच्या कार्यालयात घेण्यात आली. यावेळी उपसरपंच पदासाठी काँग्रेसच्या माधुरी जांभळे यांचा एकमेव अर्ज दाखल झाला होता. त्यांच्याविरोधात दुसरा उमेदवारी अर्ज दाखल नसल्यामुळे सभेच्या अध्यक्षा सरपंच ताई पवार यांनी उपसरपंचपदी माधुरी जांभळे यांची बिनविरोध निवड जाहीर केली. यावेळी ग्रामविकास अधिकारी सचिन कुराडे ग्रामपंचायतीचे सदस्य उपस्थित होते.