प्रगती जांभुळकर उपसरपंचपदी बिनविरोध

रसायनी (बातमीदार) : रसायनीतील सावळे ग्रामपंचायतीच्या उपसरपंचपदी भाजपच्या प्रगती जांभुळकर यांची बिनविरोध निवड झाली. उपसरपंच पदाचा कांता कांबळे यांनी राजीनामा दिला होता. त्यामुळे रिक्त पदासाठी निवडणूक घेण्यात आली. प्रगती जांभुळकर यांचा एकमेव उमेदवारी अर्ज दाखल झाल्याने सरपंच सचिन म्हसकर यांनी त्यांची बिनविरोध निवड जाहीर केली. या वेळी ग्रामविकास अधिकारी सतीश देवकाते आणि ग्रामपंचायतीचे सदस्य उपस्थित होते. जांभुळकर यांची उपसरपंचपदी बिनविरोध निवड झाल्याबद्दल भाजपचे पनवेल तालुका सरचिटणीस राजेंद्र पाटील, पनवेल पंचायत समिती सदस्य भुपेंद्र पाटील, गुळसुंदे विभागीय अध्यक्ष डॉ. अविनाश गाताडे, सरपंच सचिन म्हस्कर, सदस्य प्रशांत माळी, सुनील माळी आदींनी अभिनंदन केले.