कामशेतजवळ हायवेवर वेगवेगळ्या अपघातांत ४ ठार, २५ जखमी

लोणावळा: मुंबई-पुणे द्रुतगती मार्गावर कामशेत बोगदा आणि पवना पोलिस चौकीनजीक सोमवारी (ता.२१) पहाटे बसच्या दोन वेगवेगळ्या अपघातात चार लोक ठार झाले आहेत. तर २५ जण जखमी झाले आहे. जखमींपैकी सात जणांची प्रकृती गंभीर आहे.  हायवेवरील उतार आणि वळणावर पहाटेच्या सुमारास चालकास डुलकी लागल्याने बसने उभ्या वाहनांना मागून ठोकरल्याने हे दोन्ही अपघात झाले असण्याची शक्यता वाहतुक पोलिसांनी व्यक्त केली.

अपघातग्रस्तांवर ओझरडे येथील ट्रामा सेंटर आणि सोमटने येथील खासगी रुग्णालयात उपचार सुरू आहे.