गटातटावरून ठिणगीची शक्‍यता

गटातटावरून ठिणगीची शक्‍यता

उल्हासनगर -  पालिकेत एकहाती सत्ता आणण्याचे स्वप्न भंगले तरी साई पक्षाच्या मदतीने भाजप सत्ता स्थापन करणार आहे. शहर जिल्हाध्यक्ष कुमार आयलानी गट, ओमी कलानी गट आणि साई पक्षाच्या जीवन इदनानी यांच्या गटात भविष्यात पदांच्या वाटपावरून ठिणगी पेटण्याची शक्‍यता आहे.

ओमी यांच्या पत्नी पंचम कलानी, कुमार आयलानी यांच्या पत्नी मीना आयलानी यांची नावे आघाडीवर आहेत. त्यामुळे महापौरपदासाठी कलानी आणि आयलानी गटात चुरस आहे. मागील निवडणुकीत सात जागांवर विजयी झालेल्या साई पक्षाने पाठिंबा देण्याच्या बदल्यात अडीच वर्ष महापौरपदाची मागणी केली होती. त्यानुसार त्यांना महापौरपद देण्यातही आले होते; मात्र कालावधी संपूनही साई पक्षाच्या आशा इदनानी या महापौरपद सोडत नसल्याने शिवसेना आणि साई पक्षाचा वाद विकोपाला गेला होता. त्यामुळे यंदा मोठ्या भावाच्या भूमिकेत असलेल्या भाजपसोबत नांदतानाही साई पक्ष भविष्यात कोणकोणते वेगळे रंग दाखवणार हे पाहणे रंजक ठरणार आहे.

आव्हान भाजपपुढे
कलानी आणि आयलानी हे दोन्ही गट पक्षांतर्गत आपले वर्चस्व टिकून ठेवण्यासाठी कुरघोडी करण्याचा प्रयत्न करण्याची शक्‍यता आहे. साई पक्षाचा भाव वधारल्याने भविष्यात त्यांच्या मागण्याही वाढण्याची शक्‍यता आहे. गटातटाचे राजकारण आणि दुसरीकडे साई पक्षाच्या मागण्या या बाबी हाताळून पालिकेचे कामकाज चालवण्याचे आव्हान भाजपसमोर आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com