फिरते वाचनालय कसे वाचणार?

Walking Library
Walking Library

मुंबई - डेक्कन क्वीन आणि पंचवटी एक्‍स्प्रेस या रेल्वेगाड्यांमधील फिरत्या वाचनालयाची चार महिन्यांतच दुरवस्था झाली आहे. तेथील दीड हजार पुस्तकांपैकी अवघी ५० पुस्तके शिल्लक राहिली आहेत. राज्याच्या मराठी भाषा विभागाने पुढाकार घेऊन हे वाचनालय सुरू केले होते. आता या वाचनालयाकडे पाहायला मराठी भाषा विभागाला वेळ नसल्याचे बोलले जात आहे.

माजी राष्ट्रपती डॉ. ए.पी.जे. अब्दुल कलाम यांच्या जन्मदिनानिमित्त गेल्या वर्षी १५ ऑक्‍टोबरला राज्य सरकार आणि रेल्वे प्रशासनाने मोठा गाजावाजा करत डेक्कन क्वीन आणि पंचवटी एक्‍स्प्रेस या दोन्ही गाड्यांमध्ये फिरते वाचनालय सुरू केले. शिक्षणमंत्री विनोद तावडे यांनी उद्‌घाटन केले, त्या वेळी या वाचनालयांत दीड हजार पुस्तके होती. आता अवघी ५० पुस्तके शिल्लक राहिली आहेत. याबाबत तावडे यांची प्रतिक्रिया जाणून घेण्याचा प्रयत्न केला; मात्र संपर्क होऊ शकला नाही. वाचकांची संख्या रोडावल्याने अनेक मराठी ग्रंथसंग्रहालयांची अवस्था बिकट झाली आहे. त्यात आता मराठी भाषा विभागाच्या दुर्लक्षामुळे फिरते वाचनालय बंद पडण्याची वेळ आली आहे.

‘पुस्तके तोंडपाठ झाली’ 
फिरत्या वाचनालयांत अवघी ५० पुस्तके शिल्लक राहिल्याबद्दल प्रवाशांनी नाराजी व्यक्त केली आहे. एक हजार प्रवाशांसाठी अवघी ५० पुस्तके आहेत. त्यामुळे ही पुस्तके तोंडपाठ झाली आहेत, अशी टीका प्रवासी करत आहेत.

ट्रॉली बंद
वाचनालये सुरू झाली, तेव्हा दोन पुस्तकसेवक ग्रंथांची ट्रॉली प्रवाशांमधून फिरवायचे. विमानाचा भास करून देणारी ही चार कप्प्यांची ट्रॉली आता बंद झाली असून, एकच कर्मचारी एका बॅगमध्ये ही पुस्तके घेऊन फिरतो.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com