एका उंदरासाठी खर्च केले तब्बल 2 हजार 800 रुपये,बातमी वाचाल तर चक्रावून जाल..

सुमीत सावंत
Tuesday, 10 December 2019

  • एक उंदीर 2 हजार 800 रुपयांचा
  • दीड कोटी खर्चून 5 हजार उंदीर मारले
  • पश्चिम रेल्वेचा चक्रावणारा प्रताप

मुंबई : एक उंदीर 2 हजार 800 रुपयांचा. तुम्ही म्हणाल, असं काय आहे या उंदरात? की ज्यासाठी 2 हजार 800 रुपये मोजायचेत? आता हा प्रश्न आपण पश्चिम रेल्वेलाच विचारयला हवा. म्हणजे हा प्रकार काय आहे, हे लक्षात येईल. 

घरात उंदीर झाले तर आपण काय करतो? छोटे सापळे आणतो.. त्याला एखादी चपाती लावतो आणि उंदीर पकडतो किंवा मग ग्लू ट्रॅप, रॅट किल वगैरे पर्याय असतातच. म्हणजे फार फार तर दीडशे दोनशे रुपयांचा खर्च. पण आपली पश्चिम रेल्वे खूप श्रीमंत आहे. तिनं एका उंदरावर 3 हजार रुपये खर्च केलेत. जवळपास 5 हजार उंदरांवर सुमारे दीड कोटी रुपये उधळलेत. आता हे खोटं वाटत असेल, तर एक सोप्पं गणित करुन बघू.

महत्त्वाची बातमी :  मुंबईकरांना महागाईपासून दिलासा; भाज्यांचे भाव घसरले!
 

पश्चिम रेल्वेने नेमकं केलं काय? 

  • मागच्या तीन वर्षांत पश्चिम रेल्वेने 5 हजार 457 उंदीर मारलेत. 
  • यासाठी खर्च आला आहे 1 कोटी 51 लाख 41 हजार रुपये
  • म्हणजेच एका उंदरासाठी किती? तर 1 कोटी 51 लाख 41 हजार भागीले 5 हजार 457 असं गणित केलं.. की उत्तर येतं 2 हजार 800 रुपये.. 
  • म्हणजेच एक उंदीर मारण्यासाठी खर्च आला 2 हजार 800 रुपये 

आता तुम्हीच विचार करा आपण तिकीटाचे म्हणून जे पैसे मोजतो ते जातात कुठे.. पण यावरही रेल्वे प्रशासनाकडे स्पष्टीकरण आहेच. 

हेही वाचा : बेस्टतर्फे 12 मार्गांवर वातानुकूलित बससेवा सुरू 

पश्चिम रेल्वेच्या अधिकार्‍यांनी माहिती दिली की,उंदीर मारण्यासाठी खर्चची सरासरी काढणं कठीण आहे. औषधांनी मृत्यू पावलेल्याची ही संख्या आहे. मात्र जे उंदीर दुसरीकडे जाऊन मुत्यू पावले त्यांचा हिशेब लावण्यात येत नाही. 

आता खर्चाचं गणित इकडचं तिकडे होईलही. पण प्रश्न हा आहे, की प्रवाशांना उदरांप्रमाणेच कोंबणारी रेल्वे यंत्रणा उंदरांवर कोटींची उधळण करत असेल तर आपण करायचं काय? आपण करणार काय म्हणा, घड्याळ बघायचं इंडिकेटर पाहायचा आणि लोकल पकडून आपल्या बिळात शिरायचं 

WebTitle : western railway spent around five crore for killing three thousand rats


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: western railway spent around one and half crore for killing three thousand rats